Inhalt:
Platzhalter

Zum Einzug: (Melodie GL 392 – Lobe den Herren…)
Kuemt all tohaupe den Hiärgott to priesen und singen!
Loat alle Stemmen und Üörgel met Freiden nu klingen!
Stemmet met in, singet met früehlicken Sinn,
Gott, de us giff dat Gelingen!

Danket den Hiärgott füör all siene Laif üöwermaoten!
He hätt us Liäwen, Gesundheit, de Welt üöwerlaoten.
To alle Tied is siene Hölpe nicht wiet,
he sall us wiss nich verlaoten.

Gruß
P: De Hiär si met ju!  A: Un auk met di!

Kyrie: Hiär (Christus), erbarm di üöwer us…

Gloria (Melodie GL 380 = Großer Gott, wir loben dich)
Hiärgott, graut is diene Macht,
leiwe Hiär, wie willt di priesen.
Du düör alle Naut und Nacht
kanns alleen den Wegg us wiesen.
Mag de ganze Welt vergaohn,
diene Macht de bliff bestaohn.

Tagesgebet. Lesung, danach:
Lektor: Dit is dat hillige. Wort.  A: Dank si Gott!

Zwischengesang (Melodie 449 = Herr wir hören…)
Herr wi hört up wat du seggs,
up din Wuort in Jesus Christ,
in din Wuort us naige bis
un in Laiwe du us dräggs.
Laot din Wuort us wit un sit
auk so recht vüör Augen staohn
un met us düört Liäwen gaohn
wieder hen in alle Tid.

Vor dem Evangelium
P: De Hiär si met ju!  A: Un auk met di!
P: Ut’t hilge Evangelium…  A: Hiär, wi gieft di de Iähr!

Nach dem Evangelium
P: Evangelium vun ussen Hiärn Jesus Christus
A: Wi luoft Di, Christus

Fürbitten: Hiär use Gott  A: Erhör us

Gabenbereitung  Orgel

Präfation
P: De Hiär si met ju!  A: Un auk met di!
P: Haug de Hiärten!  A: Wi hebbt se bi’n Hiärn.
P: Laot us danken den Hiärn, usen Gott!
A: Dat is recht un steiht em to.

Sanktus (Melodie GL 388 = Heilig von Schubert)
Hillig, hillig, hillig, hillig bis du Hiär,
Hiär du bis us hillig, di gieft wie de Iähr,
Ursprunk, Licht un Liäwen, all dat kümp vun di,
Leiwe, Fraid un Siägen, daöfüör danket wi.

Nach der Wandlung
P: Geheimnis vun usen Glauben!
A: Dienen Daud, o Hiär, verkünnigt wi,
dien machtvull Upstaohn, Christus, prieset wi,
bes du kümms in Herrlichkeet.

Vaterunser
Usse Vader in’n Himmel,
hilligt sall dien Name wiär’n.
Dien Riek laot kuemen.
Dien Wille sall daon wiär’n
äs in’n Himmel, so auk up Erden.
Dat naidige Braut giff us vandage
un vergief us usse Schuld,
äs auk wi den vergieft,
de an us schuldig wuorn sind.
Un breng us nich in Versökung,
män maak us frie vun alle Leigheit!

P: Maak us frie… (bis: ) Erlöser Jesus Christus.
A: Denn di hört dat Riek to un de Kraft
un de Hiärlichkeet in Ewigkeet. Amen.

Lamm Gottes (Melodie GL 318 = Christ ist erstanden)
Hiär, Du biss bi us, wao wi biädt un wao wi singt.
Dat mäck us all vun Hiärten froh,
giff us Siekerheet und Trost, Kyrieleis.
Braut dat liäft un Liäwen schenkt,
giffs du us in usse Hand.
Hiär, dien Liäwen, Hiär, dien Daud,
giff us all dat Liäwensbraut, Kyrieleis.
Halleluja, Halleluja, Halleluja.
Us Menschken wiss du naige sein,
dat mäck us all vun Hiärten froh, Kyrieleis.
P: Seiht hier, Gotts Lamm.
dat de Sünde vun de Welt up sick niehmt!

A: Hiär, ick bin`t nich wert, dat du to mi kümps,
owwer segg men een Wort, un miene Siäll wätt gesund.

Kommunion  Orgel

Nach dem Segen
P: Gaoht hen in Friär!  A: Dank si Gott!

Schlußlied  (Melodie GL 780 = Wahrer Gott)
Leiwe Hiär, wi danket di,
du stönns us all usse dabe bi.
Giffs us dat Liäwen un Leiwe un mehr,
daofüör, o Hiär, gieft wi di auk de Ehr.
Dank di, o Hiärgott, in Freide un Leed,
du usse Huopnung, Halleluja.

Dinen hilgen Geist us send,
dat wi den richtigen Wegg auck kennt.
Dat wi in Tokummst in Friäde hier liäft,
nao allet Lieden den Himmel auk iärft.
Siäg’n jedet Hus un den Lü, de drin wuohnt,
du use Huopnung, Halleluja.